ਲੋਕ ਮਸਲੇ: ਘਰੇਲੂ ਮਜ਼ਦੂਰਾਂ ਦੀਆਂ ਸਮੱਸਿਆਵਾਂ

ਨਿੱਤ ਵੱਧਦੀ ਮਹਿੰਗਾਈ, ਸੀਮਤ ਰੋਜ਼ਗਾਰ, ਰਵਾਇਤੀ ਰੋਜ਼ਗਾਰ ਵਸੀਲਿਆਂ ਦੇ ਖੁਰਦੇ ਜਾਣ ਅਤੇ ਨਵੀਆਂ ਪੈਦਾ ਹੋਈਆਂ ਜ਼ਰੂਰਤਾਂ ਦੇ ਚਲਦਿਆਂ ਗੈਰ ਜਥੇਬੰਦ ਖੇਤਰ 'ਚ ਕਿਰਤੀਆਂ ਦੀ ਗਿਣਤੀ ਲਗਾਤਾਰ ਵੱਧਦੀ ਜਾ ਰਹੀ ਹੈ। ਇਸ ਪੱਖੋਂ ਅਹਿਮ ਹੈ ਘਰੇਲੂ ਮਜ਼ਦੂਰ ਤੇ ਇਨ੍ਹਾਂ 'ਚ ਵੀ ਵਿਸ਼ਾਲ ਭਾਗ ਅੱਗੋਂ ਔਰਤਾਂ ਦਾ ਹੈ।
ਘਰਾਂ 'ਚ ਕੰਮ ਕਰਦੇ ਇਹ ਮਰਦ ਔਰਤਾਂ ਅਤੀ ਨਿਗੂਣੀਆਂ ਉਜਰਤਾਂ 'ਤੇ ਗੁਜ਼ਾਰਾ ਕਰਨ ਲਈ ਮਜ਼ਬੂਰ ਹਨ।
(ੳ) ਇਨ੍ਹਾਂ ਦੀ ਕਿਤੇ ਵੀ ਕੋਈ ਰਜਿਸਟਰੇਸ਼ਨ ਨਹੀਂ ਹੁੰਦੀ।
(ਅ) ਹਾਜਰੀ ਤੱਕ ਨਹੀਂ ਲੱਗਦੀ, ਲੱਗਣੀ ਅਗਲੇਰੇ ਕਿਰਤ ਕਾਨੂੰਨਾਂ ਅਧੀਨ ਮਿਲਣ ਵਾਲੇ (ਨਗੂਣੇ) ਲਾਭ ਤਾਂ ਕਿਧਰੇ ਦੂਰ ਦੀ ਗੱਲ ਰਹੀ।
(ੲ) ਹਫ਼ਤਾਵਾਰੀ ਛੁੱਟੀ, ਬੀਮਾਰੀ ਦੀ ਛੁੱਟੀ, ਪ੍ਰਸੂਤਾ ਛੁੱਟੀ ਆਦਿ ਦਾ ਤਾਂ ਹਾਲੇ ਸੁਪਨਾ ਤੱਕ ਵੀ ਨਹੀਂ ਲਿਆ।
(ਸ) ਅਕਸਰ ਜਦੋਂ ਮਰਜ਼ੀ ਕੰਮ ਤੋਂ ਹਟਾ ਦੇਣਾ,
(ਹ) ਉਜਰਤਾਂ ਮਾਰ ਲੈਣੀਆਂ
(ਕ) ਦੁਰਵਿਹਾਰ
(ਖ) ਜਿਣਸੀ ਸ਼ੋਸ਼ਣ
(ਗ) ਦੁਰਘਟਨਾ ਜਾਂ ਬੀਮਾਰੀ ਸਮੇਂ ਇਲਾਜ ਤੋਂ ਹੱਥ ਖਿੱਚ ਲੈਣੇ ਆਦਿ ਆਮ ਵਾਪਰਣ ਵਾਲੀਆਂ ਘਟਨਾਵਾਂ ਹਨ।
ਇਸੇ ਲਈ ਸੀ.ਟੀ.ਯੂ. ਪੰਜਾਬ ਅਤੇ ਪੰਜਾਬ ਨਿਰਮਾਣ ਮਜ਼ਦੂਰ ਯੂਨੀਅਨ ਨੇ ਪਹਿਲਕਦਮੀ ਕਰਦਿਆਂ ਪੰਜਾਬ ਘਰੇਲੂ ਮਜ਼ਦੂਰ ਯੂਨੀਅਨ (૿7$") ਦਾ ਗਠਨ ਕੀਤਾ ਹੈ ਜਿਸ ਦੇ ਸੱਦੇ 'ਤੇ ਬੜੀਆਂ ਪ੍ਰਭਾਵਸ਼ਾਲੀ ਇਕੱਤਰਤਾਵਾਂ ਪਠਾਨਕੋਟ ਵਿਖੇ ਕੀਤੀਆਂ ਜਾ ਚੁੱਕੀਆਂ ਹਨ। ਪੀ.ਜੀ.ਐਮ.ਯੂ. ਨੇ ਫੈਸਲਾ ਕੀਤਾ ਹੈ ਕਿ ਉਕਤ ਮੰਗਾਂ ਦੇ ਨਾਲ, ਪੈਨਸਨਾਂ, ਰਿਹਾਇਸ਼ੀ ਮਕਾਨਾਂ, ਬੱਚਿਆਂ ਦੀ ਪੜ੍ਹਾਈ, ਵਜ਼ੀਫ਼ੇ, ਬੀਮਾ ਆਦਿ ਸਾਰੀਆਂ ਲੋੜਾਂ ਦੀ ਪੂਰਤੀ ਲਈ ਸੰਗਰਾਮ ਲੜਿਆ ਜਾਵੇ। ਇਸ ਉਦੇਸ਼ ਦੀ ਪੂਰਤੀ ਲਈ ਯੂਨੀਅਨ ਨੇ ਉਸਾਰੀ ਮਜ਼ਦੂਰਾਂ ਦੀ ਤਰਜ 'ਤੇ ਇਕ ''ਘਰੇਲੂ ਮਜ਼ਦੂਰ ਭਲਾਈ ਬੋਰਡ'' ਦੇ ਗਠਨ ਅਤੇ ''ਘਰੇਲੂ ਮਜ਼ਦੂਰ ਭਲਾਈ ਫੰਡ'' ਦੀ ਕਾਇਮੀ ਦੀ ਮੰਗ ਕੀਤੀ ਹੈ। ਯੂਨੀਅਨ ਨੇ ਆਪਣਾ ਘੇਰਾ ਸਾਰੇ ਪੰਜਾਬ ਤੱਕ ਵਧਾਉਣ ਲਈ ਵੀ ਠੋਸ ਪਲੈਨਿੰਗ ਕੀਤੀ ਹੈ। ਆਉਂਦੀ 11 ਨਵੰਬਰ ਨੂੰ ਪਠਾਨਕੋਟ ਵਿਖੇ ਇਸ ਮੁਹਿੰਮ ਦੀ ਸ਼ੁਰੂਆਤ ਇਕ ਵਿਸ਼ਾਲ ਰੈਲੀ ਕਰਕੇ ਕੀਤੀ ਜਾਵੇਗੀ। 
- ਸੁਭਾਸ਼ ਸ਼ਰਮਾ